Related Tastes

Tastes > Shayari

Shayari


SMSTongue offers a large collection of Shayari. The compliation includes good quality Shayari submitted by users. Browse through our nice collection of Shayari repository with latest and new Shayari being added daily. You will find unqiue messages which you can share, rate and review with your friends. Also, you can send these messages using your mobile phone.


Shayari also covers a good collection of messages on More Shayari, Ghazal submitted by various users. You can browse through these tastes and view messages. Copy them to your Mobile with single click and send to your friends.
Displaying Page 710 (of 712) and 20 Records (of 14233 Total Records)
0
guzre dinon ki yad barsati ghata lage
guzrun jo us gali se to thandi hawa lage
mehman banke aye kisi roz agar wo shakhs
us roz bin sajaye mera ghar saja lage
main is liye manta nahin wasl ki khushi
mere raqib ki na mujhe baddua lage
wo qahat dosti ka para hai k in dinon
jo muskura k bat kare ashna lage
tark-e-wafa k bad ye us ki ada ‘Qateel’
mujhko sataye koi to us ko bura lage
in General Ghazal (398 Characters)

0
garmi-e-hasrat-e-nakam se jal jate hain
ham charagon ki tarah sham se jal jate hain
bach nikalate hain agar atih-e-sayyad se ham
shola-e-atish-e-gulfam se jal jate hain
khudnumai to nahin shewa-e-arbab-e-wafa
jin ko jalna ho wo aram se jal jate hain
shama jis ag mein jalti hai numaish k liye
ham usi ag mein gumnam se jal jate hain
jab bhi ata hai mera nam tere nam ke sath
jane kyun log mere nam se jal jate hain
rabta baham pe hamein kya na kahenge dushman
ashna jab tere paigam se jal jata hai
in General Ghazal (503 Characters)

0
duniya ne ham pe jab koi ilzam rakh diya
ham ne muqabil us k tera nam rakh diya
ik khas had pe a gai jab teri berukhi
nam us ka ham ne gardish-e-ayyam rakh diya
main larkhara raha hun tujhe dekh-dekh kar
tune to mere samne ik jam rakh diya
kitna sitamzarif hai wo sahib-e-jamal
us ne diya jala k lab-e-bam rakh diya
insan aur dekhe bagair us ko man le
ik khauf ka bashar ne Khuda nam rakh diya
ab jis k ji mein aye wahi paye raushani
ham ne to dil jala k sar-e-am rakh diya
kya maslahatshanas tha wo adami ‘Qateel’
majburiyon ka jis ne wafa nam rakh diya
in General Ghazal (572 Characters)

0
dil ko gam-e-hayat gawara hai in dinon
pahle jo dard tha wahi chara hai in dinon
ye dil zara sa dil teri yadon mein kho gaya
zarre ko andhiyon ka sahara hai in dinon
har sail-e-ashk sahil-e-taskin hai aj kal
darya ki mauj-mauj kinara hai in dinon
shamon mein ab nahin hai wo pahle si roshni
shayad wo chand anjumanara hai in dinon
tum a sako to shab ko barha dun kuch aur bhi
apne kahe mein subah ka tara hai in dinon
qurban hon jis k husn pe sau jannaten ‘Qateel’
nazaron k samne wo nazara hai in dinon
in General Ghazal (521 Characters)

0
dard se mera daman bhar de ya allah
phir chahe diwana kar de ya Allah
main ne tujhse chand sitare kab mange
raushan dil bedar nazar de ya Allah
suraj si ik chiz to ham sab dekh chuke
sach-much ki ab koi sahar de ya Allah
ya dharti k zakhmon par marham rakh de
ya mera dil patthar kar de ya Allah
in General Ghazal (301 Characters)

0
charag dil k jalao k eid ka din hai
tarane jhum k gao k eid ka din hai
gamon ko dil se bhulao k id ka din hai
khushi se bazm sajao k eid ka din hai
huzur us ki karo ab salamti ki dua
sar-e-namaz jhukao k eid ka din hai
sabhi murad ho puri har ek sawali ki
dua ko hath uthao k eid ka din hai
in General Ghazal (296 Characters)

0
bechain baharon mein kya-kya hai jan ki khushbu ati hai
jo phul mahakta hai us se tufan ki khushbu ati hai
kal rat dikha k khwab-e-tarab so sej ko suna chor gaya
har silwat se phir aj usi mehman ki khushbu ati hai
talkin-e-ibadat ki hai mujhe yun teri muqaddas ankhon ne
mandir k darichon se jaise loban ki khushbu ati hai
kuch aur bhi sansen lene par majbur-sa main ho jata hun
jab itne bare jangal mein kisi insan ki khushbu ati hai
kuch tu hi mujhe ab samjha de ai kufr duhai hai teri
kyun shekh ke daman se mujhko iman ki khushbu ati hai
darta hun kahin is alam mein jine se na munkir ho jaun
ahbab ki baton se mujhko ehsan ki khushbu ati hai
in General Ghazal (652 Characters)

0
apne honton par sajana chahta hun
a tujhe main gungunana chahta hun
koi ansu tere daman par gira kar
bund ko moti banana chahta hun
thak gaya main karte-karte yad tujhko
ab tujhe main yad ana chahta hun
cha raha hai sari basti mein andhera
raushani ho ghar jalana chahta hun
akhri hichki tere zanon pe aye
maut bhi main shayrana chahta hun
in General Ghazal (345 Characters)

0
angrai par angrai leti hai rat judai ki
tum kya samjho tum kya jano bat meri tanhai ki
kaun siyahi ghol raha tha waqt k bahte dariya mein
main ne ankh jhuki dekhi hai aj kisi harjai ki
wasl ki rat na jane kyun israr tha unko jane par
waqt se pahle dub gae taron ne bari danai ki
urte urte as ka panchi dur ufaq mein dub gaya
rote rote baith gai awaz kisi saudai ki
in General Ghazal (370 Characters)

0
Ik Khuwahish He Dil Men Janam
Kuch Pagal Kuch Anjani Si
Ho Rat Ka Har Su Sannata
Bs Barish Ki Chan Chan Bole
Ese Men Tm Ho Sath Mere
Mere Pas Mere Nazdeek Bht
Yak Dam Badal Ka Shor Barhe
Men Dar Jaun Ghabra Jaun
Or Pas Tumhare Ajaun
Sr Rakh Dun Tumhare Sine Pr
Or Hath Tmhare Hath Men Ho
Phr Yun Kuch Ho A Jan-E-Jigar
Mera Chehra Hethon Men Le Kr
Tm Meri Ankhon Men Dekho
Or Mujh Se Kuch Ese Bolo
Kio Barish Roz Nahi Hoti?
in General Ghazal (429 Characters)

0
Na tha kuchch to khuda tha, kuchch na hota to khuda hota
duboya mujhko hone ne, na hota main to kya hota
Huaa jab gham se yoon behis to gham kya sar ke katne ka
na hota gar juda tan se to zaanoon par dhara hota
Huee muddat ke ‘ghalib’ mar gaya par yaad aata hai
wo har ek baat pe kehana, ke yoon hota to kya hota
Asadullah Khan Ghalib “Mirza Ghalib”
in General Ghazal (381 Characters)

0
koee ummeed bar naheen aatee
koee soorat nazar naheen aatee
maut ka ek din mu’ayyan hai
neend kyon raat bhar naheen aatee
aage aatee thee haal-e-dil pe hansee
ab kisee baat par naheen aatee
jaanta hoon sawaab-e-taa’at-o-zahad
par tabeeyat idhar naheen aatee
hai kuchch ‘eisee hee baat jo chup hoon
warna kya baat kar naheen aatee
kyon na cheekhoon ki yaad karate hain
meree aawaaz gar naheen aatee
daagh-e-dil gar nazar naheen aata
boo bhee ‘ei chaaraagar ! Naheen aatee
ham wahaan hain jahaan se hamko bhee
kuchch hamaaree khabar naheen aatee
marte hain aarzoo mein marne ki
maut aatee hai par naheen aatee
kaaba’a kis munh se jaaoge ‘ghalib’
sharm tumko magar naheen aatee

Asadullah Khan Ghalib “Mirza Ghalib”
in General Ghazal (772 Characters)

0
baaziichaa-e-atfaal hai duniyaa mere aage
hotaa hai shab-o-roz tamaashaa mere aage
ik khel hai aurang-e-sulemaan mere nazadiik
ik baat hai ejaaz-e-masiihaa mere aage
juz naam nahii.n suurat-e-aalam mujhe manzuur
juz vaham nahii.n hastii-e-ashiyaa mere aage
hotaa hai nihaan gard mein seharaa mere hote
ghisataa hai jabiin khaak pe dariyaa mere aage
mat puuchh ke kyaa haal hai meraa tere piichhe
tuu dekh ke kyaa rang hai teraa mere aage
sach kahate ho Khudbiin-o-Khudaaraa huun na kyon hoon
baithaa hai but-e-aaiinaa siimaa mere aage
phir dekhiye andaaz-e-gulafshaanii-e-guftaar
rakh de koii paimaanaa-e-sahabaa mere aage
nafrat ka gumaan guzre hai main rashk se guzaraa
kyon kar kahoon lo naam naa us kaa mere aage
imaan mujhe roke hai jo khiinche hai mujhe kufr
kaabaa mere piichhe hai kaliisaa mere aage
aashiq hoon pe maashuuqfarebii hai mera kaam
majnuun ko buraa kahatii hai lailaa mere aage
Khush hote hain par vasl mein yuun mar nahiin jaate
aaii shab-e-hijaraan kii tamannaa mere aage
hai maujzan ik qulzum-e-Khuun kaash! yahii ho
aataa hai abhii dekhiye kyaa-kyaa mere aage
go haath ko jumbish nahiin aankhon mein to dam hai
rahane do abhii saaghar-o-miinaa mere aage
hampeshaa-o-hammasharab-o-hamraaz hai meraa
‘Ghalib’ ko buraa kyon kaho achchhaa me
in General Ghazal (1274 Characters)

0
Ye na thee hamaaree qismat ke wisaal-e-yaar hota
agar aur jeete rehte yahee intezaar hota
Tere waade par jiye ham to ye jaan jhoot jaanaa
ke khushee se mar na jaate agar ‘eitabaar hota
Teree naazukee se jaana ki bandha tha ‘ehedbooda
kabhee too na tod sakta agar oostuwaar hota
Koee mere dil se pooche tere teer-e-neemkash ko
ye khalish kahaan se hotee jo jigar ke paar hota
Ye kahaan ki dostee hai ke bane hain dost naaseh
koee chaarasaaz hota, koee ghamgusaar hota
Rag-e-sang se tapakta wo lahoo ki fir na thamta
jise gham samajh rahe ho, ye agar sharaar hota
Gham agarche jaangulis hai, pe kahaan bachain ke dil hai
gham-e-ishq gar na hota, gham-e-rozgaar hota Kahoon kis se main ke kya hai, shab-e-gham buree bala hai
mujhe kya bura tha marna ? Agar ek baar hota
Hue mar ke ham jo ruswa, hue kyon na gharq-e-dariya
na kabhee janaaza uthata, na kaheen mazaar hota
Use; kaun dekh sakta ki yagaana hai wo yaktaa
jo dooee ki boo bhee hotee to kaheen do chaar hota
Ye masaail-e-tasawwuf, ye tera bayaan ‘ghalib’ !
tujhe ham walee samajhate, jo na baadakhwaar hota

Asadullah Khan Ghalib “Mirza Ghalib
in General Ghazal (1135 Characters)

0
aaiinaa kyuun na doon ke tamaashaa kahe jise
aisaa kahaa se laauun ke tujhasaa kahe jise
hasarat ne laa rakhaa terii bazm-e-khayaal mein
guladastaa-e-nigaah suvedaa kahe jise
phuunkaa hai kisne goshe muhabbat mein ai Khudaa
afasuun-e-intazaar tamannaa kahen jise
sar par hujuum-e-dard-e-ghariibii se daliye
vo ek musht-e-Khaak ke saharaa kahe.n jise
hai chashm-e-tar mein hasarat-e-diidaar se nihaa
shauq-e-inaan ghusse khtaa dariyaa kahe jise
darakaar hai shiguftan-e-gul haaye aish ko
subh-e-bahaar panbaa-e-miinaa kahen jise
“Ghalib” buraa na maan jo vaaiz buraa kahe
aisaa bhii koii hai ke sab achchhaa kahen jise
Asadullah Khan Ghalib “Mirza Ghalib”
in General Ghazal (691 Characters)

0
Aa ki merii jaan mein qaraar nahiin hai
Taaqat-e-bedaad-e-intazaar nahiin hai
Dete hain jannat hayaat-e-dahar ke badale
Nashshaa baaandaazaa-e-khumaar nahii hai
Giriyaa nikaale hai terii bazm se mujh ko
Haaye! ki rone pe ikhtiyaar nahii hai
Ham se abas hai gumaan-e-ranjish-e-khaatir
Khaak mein ushshaq kii ghubaar nahii hai
Dil se uthaa lutf-e-jalvaa haaye maanii
Ghair-e-gul aaiinaa-e-bahaar nahii hai
Qatl kaa mere kiyaa hai ahad to baare
Vaaye! agar ahad ustavaar nahii hai
Tuu ne qasam maikashii kii khaaii hai ‘Ghalib’
Terii qasam ka kuchh aitabaar nahiin hai
Asadullah Khan Ghalib “Mirza Ghalib”
in General Ghazal (632 Characters)

0
zinda rahen hum to kya hai jo mar jaayen ham to kya
duniyaa se khaamoshi se guzar jaayen ham to kya
hasti hi apani kya hai zamaane ke saamanay
ek Khwab hain jahaan men bikhar jaayen ham to kya
ab kaun muntazir hai hamaaray liye vahaan
shaam aa gai hai laut ke ghar jaayen ham to kya
dil kii khalish to saath rahegii tamaam umr
dariyaa-e-gham ke paar utar jaayen ham to kya
in General Ghazal (378 Characters)

0
Mujeh Ye Zid nahi mere Gally ka Haar ho jao
Akhela Chor dena , tum jahaan Be-zaar ho jao
Bhot Jaldi Samajh mein aany lagty ho Zamane ki
Bhot Aasaan ho, thory Bhot dushwaar ho jao
Mulaqakto mein wafa ls liye hona zaroori hai
Ke tum ik Din Judaaee ke liye Tayaar ho jao
Main Kesi Chal chalati Dhoop ke Sehra Se aya hoon
Bas ab Esa karo , Tum Saya-e-Dewaar ho jao
Tumhary paas deny ky liye jhoti Tasali ho
Na Aay Esa Din , Tum isqadar Nadaar ho jao
Tumhy Maloom ho jaye ga Kese Ranj Sehty hai
Meri itni Duaa hai Kaash tum Funkaar ho jao
in General Ghazal (539 Characters)

0
mujhko yaqeen hai sach kahti thi
jo bhi ammi kahti thi
jab mere bachpan ke din the,
chaaNd mein pariyaaN rahti thi
mujhko yaqeen hai sach kahti thi
jo bhi ammi kahti thi
ek ye din jab apnoN ne bhi
hamse naataa toD liyaa
ek vo din jab peD ki shaaKhen
bojh hamaaraa sahti thi
mujhko yaqeen hai sach kahti thi
jo bhi ammi kahti thi
ek ye din jab saari saDken
rooThi rooThi lagti hain
ek vo din jab aao khelen
saari galiyaaN kahti thi
mujhko yaqeen hai sach kahti thi
jo bhi ammi kahti thi
* ek ye din jab jaagi raaten
deevaaroN ko takti hain
ek vo din jab shaamoN ki bhi
palken bojhal rahti thi
mujhko yaqeen hai sach kahti thi
jo bhi ammi kahti thi
ek ye din jab laakhoN Gham aur
kaal paDaa hai aaNsoo kaa
ek vo din jab ek zaraa si baat
pe nadiyaaN bahti thi
mujhko yaqeen hai sach kahti thi
jo bhi ammi kahti thi
jab mere bachpan ke din the,
chaaNd mein pariyaaN rahti thi
mujhko yaqeen hai sach kahti thi
jo bhi ammi kahti thi
in General Ghazal (932 Characters)

0
Yaadai’n jaag jati hyn
Barisho’n k mausam main
Har ghari satati hyn
Barisho’n k mausam main
Shaambhi kisi surat
Chain se nahi kat’ti
Subhai’n bhi satati hyn
Barisho’n k mausam main
Zehen k jharokey main
Jab koi sada ubhrey
Aankhai’n bheeg jati hyn
Baarisho’n k mausam main
in General Ghazal (294 Characters)

Displaying Page 710 (of 712) and 20 Records (of 14233 Total Records)